這是篇香港朋友的網誌,
時間為4月8日,
吉吉團隊一行人到歐鄉,
不僅拍攝了許多照片,
也在歐鄉寫下了留言,
下次會張貼出來,
謝謝每一位到訪歐鄉的旅客。

行完埔里重要景點之後, 大家又上返車再向目的地進發囉!

我哋轉過一個又一個彎, 不停地向山上行呀行...

用咗大幾個幾鐘, 我哋終於到咗清境喇!

不過第一站我哋唔係去民宿先, 而係去下面呢度為未食午飯嘅大家入入貨...

高山士打畢呀...

係海拔1743公尺嘅7仔, 我哋蝗蟲部隊一次過掃清晒人哋嘅清境限定杏仁酥, 而往後幾日, 大家都唔再見佢返貨喇...

終於係收到林老師(往後會簡稱佢為 : 媽媽)嘅追擊電話時, 我哋就到咗我哋嚟緊會住2晚嘅民宿 - 歐鄉美邸喇!!

嘩... 個門面好歐陸feel呀!!

快快check in喇...

之後就即刻上去我哋嘅房間喇! 右邊個間呀...

我哋今次book咗一間樓中樓(即複式)房間, 下面係地下嘅雙人床... (NT7000/ 6人, 平日打7折)

左手面有條樓梯上閣樓...

一上到去閣樓會先見到個櫃仔...

之後就係2張床喇!! 睇下... 已經有位傻人急不及待地要試瞓喇...

嚟啦... 再去睇下我哋個露台, 我哋第一晚就係係呢度, 好風涼水冷地上網架喇!

因為大家都未食午餐, 所以係7仔大手入咗下面呢d貨... 包括連食咗幾日嘅關東煮, 高山特有嘅漲卜卜薯片同限定版杏仁酥...

一輪衝鋒之後, 食物比我哋放晒入肚之後。就落樓tea一tea喇...

呢個係我哋個層嘅走廊...

轉轉轉樓梯...

左手邊頂樓就係我哋間房喇...

我哋今日選擇咗係花園仔食tea... 周圍嘅環境好鬼死靚架!!

跟住媽媽就攞tea比我哋食喇... 包括有手工餅乾啦...

薯餅...

仲有香草茶呀!

連小小白都話想試一試呀!!

到齊喇... 可以開動喇!

各位... 我唔客氣喇!

清境首張合照... 真係要大大聲講句 - 我哋係清境好鬼歎呀!!

係食得差不多時, 大家就係花園仔四圍影相... 而康樂及飲食部主管 - 吉穎, 就係度上網check資料, 安排今日嘅晚餐地點比我哋喇!

所有嘅都ready晒之後, 就要暫時bye bye我哋間靚屋, 行返去7仔個邊熟習下環境喇!

但因為有位人兄唔記得帶佢支自拍捧, 所以要上樓拎... 而其他成員就排排坐影下人影下景喇!

<<待續>>

eurocountry 發表在 痞客邦 PIXNET 留言(0) 人氣()